Skrifa...

Er gráti næst. Skrifa um mömmu á Dillon. Og mig, og okkar samskipti. Mikið, mikið óskaplega sakna ég elsku mömmu minnar.

Ætla samt ekki að láta undan reiðinni.

Eftir helgi....

...mun ég birta einstaklega sjálfhverft myndband hér á síðunni. Auglýsing um sjálfa mig. Verið viðbúin egósentrísku POV.

Jæja..

Ég er með það í maganum að stofna betri síðu, sem virkar betur fyrir mig sem plögg-vettvangur. Hvaða kerfi mælið þið með?

Hér er nýtt ljóð:

 

Wakie wakie!

Ekki vera skoffín

komdu út að rokka

ekki skokka

áttu bokk-----------a

ég vil bjór

og góðan slurp

og hleyptu mér

 í skokkið

með úhhh ahhh

og hoppið

Ekki skrælna.

Þú getur ekki skapað

ef þú ert ekki rakur

að innan og utan.

Ég skapa bara sjálfsmyndir

ég er ekki gefin fyrir hópmyndir.

Ekki hópefli.

Ég er ég

ein

ég

alltaf

ein.

Á morgun..

Fer ég til Danmerkur með minni skemmtilegu og brothættu fjölskyldu. Verðum í Köben í eina nótt, og  förum svo í sumarhús hjá fyrrverandi tengdó. Þarmeð er ferðalaginu á okkur ekki lokið, því ég fer beint frá Danmörku til Barcelona á Spáni með stúlkur tvær að hitta minn elskulega föður, og þeirra ástkæra afa.

Ég er orðin spennt, en tek róandi töflur með, til öryggis.

 

Skrifað meðan ég beið eftir leigubíl.

Ég ólmast um

iða

langar að gleyma öllu

pakka niður

loka augum

brjóstin út

og dansa

dansa

þar til nóttin nær mér

og bítur mig í lífbeinið.

Í kvöld

Ætla ég í afmæli á karókístað. Hver veit nema ég taki lagið.

Þarna er ég á sviði að syngja Jolene ásamt ástkærri vinkonu.

Skrifin

Ég er löt að skrifa í sumarfríinu, held ég hafi skrifað yfir mig síðastliðinn vetur.

En ég á sætustu kisu í heimi. Held ég hafi aldrei borið svona tilfinningar til skepnu áður.

Spesíur

Þetta finnst mér skemmtileg frétt. Pælingar blaðamanns. Var hann fullur? Eða freðinn?

Húðflúr, sushi og bikinivax

Lífsmark

Það er margt í sigtinu, allt kraumar, og ég er lifandi.

Elskulegu stelpurnar mínar 

stórfenglegar.

Erfiðar vikur án þeirra.

Ég er glöð.

Partíið var undursamlegt.

Ég á rosalega gott fólk í kringum mig.

Ég á sætustu og klárustu dætur í heimi.

Ég fæ leigjanda um helgina, sem verður á sófanum. Hann mun sjá til þess að mér leiðist minna.

Í ágúst förum við brotna, en frábæra  fjölskyldan mín í sumarhús í Danmörku. Legoland og Tívolí.

Pabbi kemur í sumar. Það verður ósköp gott.

Ég fæ lítið frændsystkini í október. Þá missir Andrea loks statusinn að vera yngsta barnabarn Sæmundar Haraldssonar.

 Lífið er gott, þrátt fyrir allt og allt.